Indikaturi taż-żona tal-euro
F'din it‑taqsima, issib aggregati magħżula taż‑żona tal‑euro u analiżijiet nazzjonali kif ippubblikati mill‑BĊE u l‑banek ċentrali nazzjonali (BĊN) tal‑pajjiżi taż‑żona tal‑euro fis‑siti elettroniċi tagħhom. Il‑karatteristika ewlenija ta' dan il‑qafas hi li l‑aggregati Maltin jistgħu jitqabblu mal‑kontribuzzjonijiet ta' Stati Membri oħra taż‑żona tal‑euro u mal‑aggregati taż‑żona tal‑euro f'tabelli konsistenti li jiġu ppubblikati fl‑istess ħin fis‑sit elettroniku tal‑BĊE u fis‑siti elettroniċi tal‑BĊN parteċipanti. Dan il‑qafas jagħmel il‑preżentazzjoni ta' din l‑istatistika iżjed faċli għal min jużaha.