Munita Kommemorattiva taż-€2 - Solidarjetà permezz tal-Imħabba
|
2016
|
|
Munita Kommemorattiva taż-€2 - Solidarjetà permezz tal-Imħabba
|
|
|
|
Fil‑5 ta' Diċembru 2016, il‑Bank Ċentrali ta' Malta ser joħroġ munita kommemorattiva taż‑€2 taħt il‑programm ġdid 'Mit‑tfal b'Solidarjetà', bl‑ewwel tema tkun 'Solidarjetà permezz tal‑Imħabba'. Din hija inizjattiva bejn il‑Bank Ċentrali ta' Malta, il‑Ministeru għall‑Edukazzjoni u x‑Xogħol, u l‑Malta Community Chest Fund. Il‑Malta Community Chest Fund hija fondazzjoni karitattiva taħt il‑patroċinju tal‑President ta' Malta. Hija fondazzjoni li tħajjar u tmexxi attivitajiet u inizjattivi bil‑għan li jgħinu individwi bi bżonnijiet diversi.
Imniedi b'mod uffiċjali fil‑5 ta' Ġunju 2015 mill‑President ta' Malta, Marie‑Louise Coleiro Preca u l‑Gvernatur tal‑Bank Ċentrali ta' Malta, dan il‑programm dwar ħruġ ta' muniti b'temi soċjali kien jinvolvi kompetizzjoni għad‑disinn tal‑munita li kienet miftuħa għall‑istudenti kollha tal‑iskejjel sekondarji. Mid‑disinji kollha sottomessi, il-panel ta' ġudikanti għażel ħames disinji finali. Id‑disinn rebbieħ imbagħad ingħażel permezz ta' votazzjoni li kienet miftuħa għall‑istudenti kollha tal‑iskejjel sekondarji. L‑iskejjel inkoraġġew lill‑istudenti sabiex jieħdu sehem f'din il‑votazzjoni biex jigi mħajjar sens ta' ċittadinanza responsabbli minn età żgħira.
In‑naħa ta' wara tal‑munita turi n‑naħa komuni taż‑€2, filwaqt li n‑naħa ta' quddiem (in‑naħa nazzjonali) turi żewġ idejn li qed jiffurmaw qalb waqt li jinkwadraw rappreżentazzjoni tal‑bandiera Maltija. In‑naħa ta' quddiem tal‑munita, imnaqqxa minn Noel Galea Bason, turi rappreżentazzjoni tad‑disinn rebbieħ iddisinjat minn Ms Sarah Cilia, studenta ta' skola sekondarja.
|
|
Tip
|
Denominazzjoni
|
Dijametru (mm)
|
Piż Gross (g)
|
Finezza
|
Inċiżur
|
Zekka
|
Stampar
|
|
Ċirkolazzjoni
|
€2
|
25.75
|
8.5
|
n/a
|
Noel Galea Bason
|
Monnaie de Paris
|
|