|
Fl‑2013, il‑Bank Ċentrali ta' Malta ħareġ munita numiżmatika tad‑deheb li tirrappreżenta l‑picciolo. Il‑faċċata tal‑munita turi l‑emblema ta' Malta u s‑sena tal‑ħruġ 2013. Il‑faċċata ta' wara turi rappreżentazzjoni ta' picciolo bl‑istemma araldika tal‑Gran Mastru Jean de Valette.
Il‑picciolo kienet munita żgħira tar‑ram li nħadmet f'Malta matul il‑perjodu tal‑Ordni ta' San Ġwann. Il‑munita kellha dijametru ta' 14 mm u kienet tiżen inqas minn gramma, u normalment kienet turi l‑istemma araldika tal‑Gran Mastru li jkun qed imexxi fuq naħa u s‑salib bi tmien ponot tal‑Ordni ta' San Ġwann fuq in‑naħa l‑oħra.
|